الرئيسية / طبخ / كيكة الجيلي

كيكة الجيلي

وصفتنا اليوم كيكة الجيلي 🎂 #كيكة_الجيلي

.الطريقة

بالبداية بجهز الكيك .ننخل كوب و ربع طحين مع م ك بكمباودر و رشة ملح
في الخلاط بخفق ٢ بيض بحرارة الغرفه مع كوب سكر ثم نضيف م ص فانيلا و نخفق ثم نضيف ربع كوب زيت نباتي و نخفق ثم نضيف تلات ارباع الكوب لبن زبادي بحرارة الغرفه و نخفق …نضيف خليط السوائل على الطحين المنخول و نقلبهم بالمضرب اليدوي ..

بفنجان صغير بحط نص م ص كربونه و م ك خل بحركهم منيح و بسكبهم على خليط الكيك و برجع بخلط الكيك كمان مرة و بخبزها في قالب مدهون زيت و رشة طحين في فرن محمى مسبقا عال ١٧٠ مدة ٤٠ دقيقه ..

بطلع الكيك من القالب و بنضفه و لطبقه الجيلي بحتاج ٣ بكيت جيلي فراوله بعمل منهم ٢ حسب التعليمات المكتوبه عالبكيت بس بنقلل مقدار المي شوي و بسكبه في قالب الكيك و بترك الجيلي يبرد و يجمد بعدين بعمل البكيت التالت و بتركه شوي يبرد و بحط منو ٣ م ك فوق طبقة الجيلي الاولى لحتى اثبت الكيك بالجيلي و بسرعه بنزل قالب الكيك و باقي كمية الجيلي بتركها شوي تبرد و بسكبها على الاطراف

بدخله التلاجه ٤ ساعات بعدين بجيب صينية كبيرة بحط فيها مي مغليه و بحط قالب الكيك فيها لثواني عشان يفك الجيلي شوي و اقدر اقلب الكيك (🥰) بقطعها و بقدمها و بالعافيه

اترك تعليقاً

لن يتم نشر عنوان بريدك الإلكتروني.