تارتولات 🍥

الوصفة
2كيسان فرينة مغربلة (مايعادل 300غ)
2 ملاعق كبار سكر قلاصي (مايعادل 40غ)
3ملاعقكبار مارغرين (مايعادل 150غ)
صفار بيضة
2 ملاعق كبار ماء
فانيليا
الكريمة❤❤)
بيضة
2 كأس حليب(نصف لتر)
5ملاعق كبار سكر
4 ملاعق نشاء ممسوحين
مغرفة فاني
ملعقةزبدة صغيرة
مبشور حبة قارس
عصير نصف حبة قارس
عطر الموز
عطر الفراولة
زوج مغارف شكولاطة للطلي
كراميل (خدمتو في الدار مع مكسرات)
نص كاس كريم شونتي
ربع كاس حليب بااااارد


الطريقة ❤
نخلط الفرينة و السكر قلاصي و نضيفولهم المارغرين تكون مقطعة (باه تسهللكم العملية) ندخلو المارغرين مع الفرينة حتى تتجانس فيها مليح و نضيفو صفار بيضة و فانيليا و الماء و نخلط مليح مليح (نظغط و نلم)حتى تولي عندنا عجينة طرية و متجااانسة مليح (نخدم بيها مباشرة) مانبعد على سطح العمل نحلها بواسطة حلال متوسطة و نحطها في المول تاعنا نعدلها مليح عليه و نثقبها مليح مليح نحطها داخل الثلاجة نص ساعة او أكثر  نجبدهم نزيد نثقبهم مليييح و ندخلها في فرن يكون سخون مسبقا على درجة حرارة 200 نخليها تأخذ اللون الذهبي من التحت و من الفوق كي طيب نخليها تبرد مليح و نحط  الكريمة و نزينها ونكمل ندهنها من الفوق بلاجولي ولا عسل مخفف بالماء زهر
طريقة تحضير الكريمة


أولا في كسرونة نحط البيضة و السكر و نخلط مليح مانبعد نزيد الحليب و النشاو نخلط بارد في بارد مانبعد نحطهم فوق النار مع التحريك المستمر حتى تعقد ونطفي عليها النار

و نزيدلها مغرفة زبدة والفاني و مبشور القارس و عصير القارس و نقسم الكريمة إلى ثلاثة اقسام نصف نزيدلها عطر الموز و نصف الأخر عطر الفراولة (لازم تضيفو عطر الفراولة و الكريمة سخونة باه ميجيكمش ذوق مر) و نصف الأخير نزيدولو زوج مغارف شكولاطة للطلي و نخلط مليح حتى نشفوها تتجانست نغطي كل وحدة ب(بابي فيلم)لازم الورق يلامس الكريمة و ندخلها للثلاجة حوالي الساعتين او أكثر تبرد مليح لازم (انا خدمتها في الليل و عمرتهم الصباح)


بعدها نحضر لاكريم شونتي لي كونا طلعناها مع الحليب مليح و نقسموها عليهم نفرغ 2ملاعق مع كل كريمةو نخلطوه مع تاع الموز وزوج ملاعق مع لكريمة الفراولة و 2 ملاعق كبار  لكريمة تاع شكولاطة و نخلط مليح مانبعد ندير في البوشادوي و نعمر لي تارتولات و أخيرا تاع الكراميل و خلطتلهم مكسرات و فرغتهم في لاترتولات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *