الرئيسية / طبخ / المشوك المعسل

المشوك المعسل

وصفة المشوك المعسل
المشوك لمعسل لازم يطيب داخل ليكيسات من الافضل توزنوا الكريات من25 ل30غ
الكاوكاو تاع لعجين يجي رقيق متوسط ولي نرمدو فيه خشين
الصفار نحطوه فالعجينة والبياض ندهنوا بيه الحبة باش يلسق الكاوكاو لخشين😊


الوصفة:
خلطي250غ زبدة طرية مع نص كاس سكر بودرة+ رشة ملح زيدي تلات صفار بيض ونص م ك فانيلا ومبشور حبة ليمون خلطي مليح وضيفي كاس ماشي معمر كاوكاو محمص مرحي رقيق متوسط طمي بالفرينة ونص باكي خميرة الحلوى وخلي العجينة تريح،

شكلي كريات من 20 ل25غ جوزيهم فالبياض ممبعد فالكاوكاو خشين ديرو تقب صغير وديرو نصف حبة كرز مجفف او حبة كاوكاو تقدرو تخلوهوم حتى يطيبو ولسقو الكرز بالغلوكوز حطيهم فليكيسات وطيبيهم فالوسط على 180 لمدة 30د حسب الفرن (بلاكي يقعدوا ماشي طابين كي نعسلوهم يجوا معجنين للداخل) عسليهم مباشرة بالعسل بارد وهما سخونين تستهلوا كل خير

اترك تعليقاً

لن يتم نشر عنوان بريدك الإلكتروني.