الشباتي التونسي🥰

الشباتي
المكونات :
300غ فارينة – 200غ سميد أرطب – مغرفة صغيرة خميرة خبز – مغرفة صغيرة ملح – 4 مغارف كبار زيت زيتونة – مغرفة كبيرة سكر – 1 ياغورت طبيعي – ماء دافئ للعجن
للحشو :
هريسة – تن – أملات – فروماج – جمبون ….

الطريقة :
تحط الخميرة و السكر في كاس صغير ماء دافئ و تخليهم 5 دق بعد تصب الفارينة و السميد في صحفة كبيرة و تزيدهم الياغورت و الملح و الزيت و تصب فوقهم خليط الخميرة و السكر و تعجن بالماء الدافئ حتى تتحصل على عجينة طرية…

تغطيها و تخليها ترتاح ساعة و بعد تقسمها على 5 كعبورات وترش شوية فارينة و تحل بالوحدة و تخليهم يرتاحو 10دق و بعد تطيبهم في المقلى 3 دقائق من كل جهة على نار هادئة ومن غير متدهن بالزيت… تلفهم في منديلة و بعد تزينهم كيما تحب و صحة و بالشفاء