الرئيسية / طبخ / كيكة الشوكولاتة في المقلاة بدون فرن

كيكة الشوكولاتة في المقلاة بدون فرن

كيكة الشوكولاته في المقلاة بدون فرن بمكونات بسيطة ولا أسهل و المداق رااائع جربوها و ردو علي الخبار و بالنسبة للكيك فيه


3 بيضات + 7غ فانيلا + ملعقة كبيرة خميرة الحلويات + 1 فلان شوكولا بالسكر( ايلا ماتوفرش الكبير لي فيه السكر نديرو الصغير و نضيفو نصف كأس سكر ) +كأس زيت + كأس حليب + ملعقة صغيرة خل + قبصة ملح ثم نضيفو الدقيق الأبيض من نوعية جيدة حتى نحصلو على القوام
ديال الكيك .


ملي نخلطو الكيك نقسموه على 3 كميات متساوية و
نبداو نطيبو في مقلاة ما قاتلصقش القطر ديالها بين 20 حتال 25 سنتيمتر من بعدما کندهنوها فقط بالزيت على نار مهيلة و نغطيو المقلاة أثناء الطهي ، ملي نطيبو الكيك ديالنا نوجدو السيرو باش غانسقيوه


انا خديت 3 ملاعق كبيرة مربى ( النكهة لي كتفضلو ) و طحنتهم بالمكسور مع كأس ماء و غليتو و سقیت بیه و نبداو نديرو طبقة كيك طبقة كريمة و التزيين على حسب الدوق.
الكريمة ستعملت كيسين من مستحضر الشانتيي مع كأسين حليب بااارد و کیسین کاکاو .


من الفوق کبیت كناش ديال الشوكولا و لي استعملت فيها نصف كأس كريمة سائلة كأس مع شوكولا حبيبات درت الكريمة السائلة في كاسرول على درجة حرارة مهيلة حتی سخنات مزیان و قبل ما تغلي زدت عليها الشوكولا و حرکت مزیان و درتها من الفوق و بالصحة والراحة.

اترك تعليقاً

لن يتم نشر عنوان بريدك الإلكتروني.