الرئيسية / Uncategorized / باستا فلورا بمربى الفراولة

باستا فلورا بمربى الفراولة

باستا فلورا بمربى الفراولة 😋😍🍓🍓🍓🍓🍓🍓
المقادير ⬇️
– كبايتين دقيق
– كباية سكر بودره
– كبايه الا ربع زبده
– 3 بيضات
– معلقه صغيره فانيليا
– معلقه ونص صغيره بيكينج بودر
– رشة ملح
– معلقه صغيره لبن رايب او زبادي
– مربى فراولة او طعم مربي تحبوه
طريقة التحضير ⬇️
– ننخل الدقيق كويس ونخلطه مع البيكنج بودر والملح
– نضرب السكر مع الزبده بالمضرب الكهربائي أو المضرب السلك وبعدين نضيف لهم البيض والفانليا واللبن الرايب او الزبادي ونستمر في الخفق.
– نضيف خليط الدقيق ونعجن بايدنا لحد مانخلط المكونات كويس مع بعضها والعجينه تبقى لينه ومتلزقش فى ايدينا.
– نحط العجينه في كيس بلاستيك ونسيبها ترتاح شويه في التلاجه حوالى نص ساعه.
– نطلع العجينه من التلاجه ونفردها براحه على رخامه مرشوشه بشوية دقيق.
– نفرد 3 أرباع مقدار العجينه في صينيه او قالب مدهون بالزبده ونمد العجينه في الصينيه كويس ونشيل من الزيادات اللي في جوانب الصينيه.
– نقسم كمية العجينه اللي باقيه لكور صغيره ونشكلها لشرايط طويله ونسيبها على جنب.
– نخرم العجينه بالشوكه ونغطيها بورقه زبده.
– ندخل الصينيه فرن حرارته متوسطه ونسيبها ١٠ دقايق لحد ما لون جوانب العجينه يتغير.
– نخرج الصينيه من الفرن ونشيل ورقة الزبده ونفردها بمربى الفراولة او اي نوع تحبوه ونزينها بشرايط العجينه بالطول والعرض.
– ندخل الصينيه الفرن مره كمان ونسيبها عشر دقائق لحد ما وش الشرايط يحمر وبالهنا والشفا.
قد تكون صورة ‏حلوى‏

اترك تعليقاً

لن يتم نشر عنوان بريدك الإلكتروني.