الرئيسية / طبخ / فطائر اقتصادية بعجينة قطنية محشية بالجبن رائعة بمذاق لا يقاوم

فطائر اقتصادية بعجينة قطنية محشية بالجبن رائعة بمذاق لا يقاوم

فطائر اقتصادية بعجينة قطنية محشية بالجبن رائعة بمذاق لا يقاوم 👌

المكونات:
1 حبة من صفار البيض
1 ملعقة كبيرة من الزيت
السمسم
مكونات العجينة:
2 كوب من الحليب الدافئ
1 كوب شاي من الزيت
1 حبة من بياض البيض
3 ملاعق كبيرة من السكر
6 أكواب من الطحين
1 ملعقة كبيرة من الملح
1 باكيت من الخميرة
2 ملعقة كبيرة من الزبدة
مكونات الحشوة:


250 جرام من الجبنة البيضاء
1 كوب شاي من جبنة الموزاريلا
1\2 حزمة من البقدونس
طريقة التحضير:


1- بالبداية لتجهيز العجينة هنضيف الحليب الدافئ، الزيت، بياض البيض والسكر ونحرك كل المكونات مع بعض منيح
2- بعدين هنضيف قسم من الطحين، الملح والخميرة ونبدا بعجن المكونات ونحن وعم نعجنهم هنكمل بإضافة الطحين بالتدريج لحتى تبدا تتماسك معنا العجينة
3- اما هلق هنحط العجينة على طاولة العجن ونبدا نلمها على بعضها لحتى تجهز بعدين هنضيف على وسط العجينة الزبدة ولازم تكون بدرجة حرارة الغرفة ونعجن العجينة للمرة الاخيرة
4- ولما تجهز معنا العجينة هنحطها في طبق مناسب ونحط عليها قطعة من ورق الستريتش وقطعة من القماش ونتركها على جنب لحتى تختمر و ترتاح معنا لمدة 1 ساعة
5- ولما تخلص معنا المدة ونشيل العجينة من الطبق هنحطها على طاولة العجن ونبدا نلمها على بعض بعدين هنقطعا بالبداية ل3 قطع متساوية بعدين ل18 قطعة وناخد قطعة قطعة من قطع العجين ونلمهم على بعض
6- اما هلق قبل ما نبدا بتشكيل القطع هننتقل لتجهيز الحشوة وهناخد الجبنة البيضاء، جبنة الموزاريلا ونكون بارشينها و البقدوس وهنكون فارمينه على شكل ناعم ونحركهم مع بعض وهيك بيكون جهزت معنا الحشوة وطبعا فيكم تضيفوا أي نوع تاني من الحشوة على حسب الرغبة
7- ولتشكيل قطع الفطائر هناخد اول قطعة من قطع العجين و نبدا نفتحها بأيدينا ونضيف فيها شوي من الحشوة اللي جهزناها
8- بعدين هنسكر قطعة العجين على شكل الرول وننتبه نسكرها من الأطراف لحتى ما تطلع منها الحشوة ونحد القطعة في صينية الفرن على ورق الزبدة ونكمل بنفس الطريقة لحتى تخلص معنا كل الكمية
9- اما هلق هناخد حبة من صفار البيض و الزيت و نخفقهم مع بعض منيح بعدين هنضيفهم على قطع الفطائر اللي جهزناها لحتى لما يجهزوا يعطونا لون جميل
10- و أخيرا هنضيف شوي من السمسم على القطع و هيك بيكون جهزوا معنا قطع الفطائر هلق هندخلهم على فرن حامي على درجة حرارة 180 لمدة 25 دقيقة و نتركهم لحتى يجهزوا
11- و لما تخلص معنا المدة و نطالعهم من الفرن هنستنى عليهم لحتى تطلع منهم الحرارة الأولى بعدين هنقدمهم بالطريقة اللي منحبها
و صحة وعافية

اترك تعليقاً

لن يتم نشر عنوان بريدك الإلكتروني.