الرئيسية / طبخ / أجمل حلاوة جبن

أجمل حلاوة جبن

حلاوة الجبن بتنزل ع القلب فورا ما طبيعي قديش طيبه لك انا يلي بكره ماء الزهر بحلاوة الجبن بموت ع ريحتو والله

حلاوة الجبن


المقادير والطريقه


كوب ماء
نصف كوب سكر ممكن اكتر حسب الرغبه بس نحسب حساب انو رح ينحط عليها قطر


منحطون ع نار يغلو 5 دقايق


بعدا منضيف جبنه موزريلا مقطعه او مبروشه مقدار زبديه صغيره
ومنحرك بمعلقه خشب حصرا عمهلنا لتسيخ الجبنه
ع نار وسط او اقل شوي
بس تسيخ الجبنه منضيف كوب سميد ناعم ناعم
ومنبلش نحرك منيح ع نفس عيار الغاز


هيك لضب كلها ع بعضها منضيف ربع كوب ماء زهر
و منبلش بالمعلقه نشكلها كره منشيلها من ع نار
طبخها كلو ما بياخد ربع ساعه


ع كيس نايلون مدهون قطر وممكن ما تدهنوه قطر مارح تلزق


منكون لابسين كفوف بايدينا منزبط شكلها ك كره ومنضل عم نطريها دقيقه

منحط فوقها كمان كيس نايلون ومنرقها بالشوبك
السماكه ع زوقكون ويلي بدكون ياها سميكه او رقيقه
ومنحشيها قشطه ومنلفها لفتين ومنقسم بالسكين لنعمل رول تاني وع تلاجه نص ساعه بعدا منقطعها ومنحط فستق حلبي والقطر
القشطه انا عملتها بهي الطريقه موجوده ببوست منفصل ومثبته بهايلايت فيديو
جبت حليب وغليتون وتركتو يبرد وشلت قشطه من ع وش ورجعت كررت العمليه حتى ما عاد طلع قشطه شي 5 مرات بدها طوله بال
بعدين فرطت كميه من الحليب بمعلقه خل ابيض وصفيتون وضفتون لقشطه الحليب وحطيتلون علبه قشطه بوك ممكن
القطر كاستين سكر كاسه مي وبس يغلي عصره ليمون ومنتركها تغلي 5 دقايق

الصورة الاولى

الصورة الثانية

الصورة الثالثة

الصورة الرابعة

الصورة الخامسة

اترك تعليقاً

لن يتم نشر عنوان بريدك الإلكتروني.