أخبار الوطن
ورق عنب ، يالنحي
من المقبلات الباردة
لذيييذة ومايعة وحامضة علة حلوة علة مالحة 😢لازم تجربوه
ضروري يكون ورق العنب الي نختاره ناعم و ولونه فاتح لنجاح الوصفه اذا خشن مراح تطلع نفس اللذاذة🙃
مقادير الحشوة
تمن عنبر نص كيلو او حسب الكمية اللي تريدوهه (اوتمن مصري المهم قصير الحبه)
كرفس ومعدنوس ونعناع مثرومة ناعمة
٥حبات طماطة مثرومة ناعمة
٣ بصل وسط مثروم ناعم
ثوم (اختياري اني خليت)راس صغير مثروم ناعم
فلفل اخضر وحدة صغيرة مثرومة ناعم
بالنسبة للحم هم اختياري اذا خليتو او مخليتو بكيفكم بس الوصفة التقليدية بدون لحم
ملح وفلفل اسود وكزبرة وكمون
عصير ليمون
زيت زيتون
دبس رمان وصلصة الفلفل الحار والفلفل البارد اخليهه بدون قياس عينك ميزانك واذوق الطعم لحد ميوصل للطعم المتعادل من الحموضة والملوحة والحلا واذا احتاجينه حموضة بعد نخلي ليمون دوزي(ملح الليمون)
احمس البصل والطماطة والفلفل والثوم بزيت الزيتون حمسة خفيفه بس تذبل وبعدها اضيفهه للتمن واخلي عليهه باقي الخضراوات المقطعة والبهارات والصلصات
طريقة اللف شوفوهه بالبوست السابق
بعد مالفينا كل الورق نقطع البطاطا ونصفهه بالجدر (نصيحة كثرو بطاطا لان تخلص بسرعه ويصير سلب ونهب عليهه😂)
وبعدها نصف ورق العنب ونخلي عليهه الصوص المتكون من دبس الرمان وصلصة الفلفل شوية ومي لحد متغطي ورق العنب
نطبخها علة نار عالية اول ربع ساعه او لحد متفور وبعدها نتركها علة نار هادية كلش فد ٤ ساعات وما نقلبها لحد متبرد تماما وتشرب كل الصوص
