أخبار الوطن
كيكة الشوكولا او كيكة الغابة السوداء ؛
2 بيض ، كوب وتلات ارباع طحين ، كوب وتلات ارباع سكر ، نص كوب كاكاو بودرة ، ملعقة ص ملح ، 2 ملعقة ص بيكنج صودا ( كربونات الصوديوم يعني)، نص كوب زيت ، نص كوب حليب سايل ، علبة زبادي صغيرة ( تلات رباع كوب) ، ملعقة فانيلا ، ملعقة كبيرة نسكافيه مدوبة بكوب مي سخنة ( او ممكن استبدالها بكوب قهوة امريكية سخنة )
الطريقة ::
بالخلاط منخلط لبيض والسكر والزيت شوي وبعدا اللبن والحليب والفانيلا وبعدين منقلبهم على وعاء ومننخل فوقن الطحين والكاكاو الكربونات والملح ومنحركهم بالسباتولا وبس متزجوا سوا منضيف اخر شي كوب القهوة النسكافيه ويكون ساخن ومنحرك وبعدين منسبكهم بصينية مدهونة زيت ورشة طحين او ممكن نبخ بخاخ الزيت ازا متوفر ومندخلا ع فرن محمى 180 ل 35 دقيقة .
التغطية ؛ منذوب 4 الواح شوكولا جالكسي مع علبة قشطة وملعقة زبدة مندوب الشوكولا والزبدة بحمام مائي او مايكرويف وبعدا منخلط معهم الزبدة ( وممكن اضافة رشة نسكافيه وم ص كاكاو معهن بتدعم الطعم ) ،، وممكن بس نعمل التغطية شوكولا جالكسي مذوب،
ملاحظة 🙁 الخليط قبل الخبز رح نلاقيه سايل كتير عادي ) وبالعافية”
