الرئيسية / طبخ / سوفلي العملاق

سوفلي العملاق

سوفلي⁦ العملاااااااااااااااااااااق

الوصفة: رطل فرينة نزيدو عليها ربع كاس زيت و مغرف مارغرين و نبسوها مليح…نزيدو مغرف و نص خميرة الخبز و مغرف سكر و الملح و 2 مغارف حليب پودرة ولا عوضيه بواحد ياوورت طبيعي و حبة بيض و مغرف صغيرة خل…و نجمع بالما ولا بالحليب…لازم تجي تخرج العجينة تتلاصق…نحاولو لموها و نعجنوها…حوالي 3 دقايق…نحطوها في بول تخمر.

..و روحو للحشو..أنا حطيت في مقلة لحم مرحي قطعتلو نص بصلة و فصين ثوم و شويا فلفل أسود و پاپريكا و غير ملعقة صغيرة طوماط كونسارف و زدتلو شويا شومپينيو كان باقيلي…هاذا ماشي لازم…نحطلو شويا ماء و 2 مغارف زيت و ملح و نقليه على نار هادية حتى يطيب نحطوه بجيه…نجيبو العجينة و نقسموها ديبول و نحلوها كيما البيتزا و نحطو صوص طوماط نزيدو خلطة اللحم+ زيتون خضر مڨطع+ فرماج راپي…أنا درت شيدار ولا مرات ندير فرماج البورغر و نغلقو الحبة…ندهنوها بخلكة التحمير…

درت فيها صغار بيضة و شويا نيسكافي و نرشوها بالزرارع…و نزينوها بالزيتون ولا المعدنوس…ووندخلوهم للكوشة حتى يحمارو..غادي يخرجولك تححححححححححفة

اترك تعليقاً

لن يتم نشر عنوان بريدك الإلكتروني.