أخبار الوطن
بسبوسة القشطة
بيضة واحدة
فانيليا
ربع كاسة سكر
كاسة لبن
نصف كاسة زيت نباتي
ملعقة كبيرة باكينغ باودر
كاسة سميد ناعم
كاسة جوز هند
نخفق جميع المقادير بالتدريج بدون المبالغة
الحشوة عبارة عن قشطة اي نوع انتو بتحبو جاهز او صنع منزلي انا استخدمت هون
القشطة عبارة عن فرط الحليب
٢ لتر حليب فرطتهم بشوية خل وخليتهم يتماسكو شوي بعدين حطيتهم بمصفاة وتركتهم يبردو وضفت فوقهم قشطة جاهزة ( انا استعملت القشطة التركية ) وشوية ماء زهر
بقسم الخليط نصفين اول قسم بمدو بصحن الخبز وبضيف القشطة فوقه وبعدين القسم التاني فوق القشطة
وعالفرن حرارة ١٨٠ لحد الاستواء
اخر شي بضيف القطر فوقها وهية ساخنة
القطر عبارة عن كاستين سكر مع كاسة مي ونقطتين ليمون وعالغاز تقريبا سبع دقايق (الافضل انو ينعمل قبل بيوم مشان يصير سميك )
نصيحة لاتطالعوها من القالب او الصينية لحتى تبرد وتمسك وكل ماكانت باردة وقبل بيوم بالبراد بتصير اطيب
وصحتين والف عافية