الرئيسية / طبخ / قطايف /للعصافيري والمقليه والمحشوات

قطايف /للعصافيري والمقليه والمحشوات

قطايف /للعصافيري والمقليه والمحشوات

بالخلاط الابريق بخلط /كاستين طحين /نصف كاسة سميد /3كاسات ماء بحرارة الغرفة /ملعقتين كبار حليب بودرة /ملعقتين كبار سكر ،/ملعقة صغيرة خميرة /ملعقة صغيرة بيكنغ باودر /نصف ملعقة صغيرة بيكربونات الصوديوم وبترك الخليط يرتاح ربع ساعة وبعدين ببدأ بالصب على صاجة أو مقلاية ساخنة وعند الصب بخفف النار للوسط لتستوي العجينة وتأخد لون حلو من غير ما يغمق لون القاعدة



اذا للعصافيري بصبها بحجم صغير/ وبتنحشى قشطة
وبتتزين بالفستق وبتتقدم مع قطر
واذا مقلية بصبها بحجم كبير وبتنحشى حسب الرغبة
وبتنقلى بزيت حامي وبعدين بتتغمس بالقطر



قشطة الحليب الفرط /بسخن عالنار 2ليتر حليب وبس يقرب يغلي بطفي النار وبصب عليه فنجان صغير خل وبحرك حتى يفصل عن بعضه وبتركه نص ساعة لتتكون القشطة عالوجه

، بصفيها من الماء وبتركها تبرد ثم بخلط معها باكيت قشطة قيمر وزن 250 مل وبتصير جاهزة للاستعمال



القشطة المنزلية /تستخدم لكافة أنواع الحلويات وبديل للقشطة المعلبات  /بخلط كاسة ونصف ماء مع كاسة حليب بودرة مع ملعقتين طحين وملعقتين سكر وبسخن الخليط على نار هادية مع التحريك المستمر لتبدأ تسمك وتتقل وبطفي النار وبضيف نص ملعقة صغيرة ماء زهر ونص ملعقة صغيرة ماء ورد ورشة فانيليا
وبحركها وبس تبرد شوي بتصير جاهزة للاستعمال

جوز وفستق مجروشين مع لوز شرايح وسكر وقرفة

حشوة قشطة مع جوز الهند وفستق

اترك تعليقاً

لن يتم نشر عنوان بريدك الإلكتروني.