أخبار الوطن
❤
#الوصفة (35حبة)
250مرغرين
كاس سكر قلاسي مغربل
كاس غير ربع زيت
2 بيضات
1خميرة الحلويات
مغرفة كبيرة كاكاو بني مغربل
فرينة مغربلة
كريمة الزبدة
100غ زبدة حوالي زوج إلى ثلاث مغارف كبارر زبدة
3مغارف كبار سكر رطب
3مغارف كبار كريم شونتي (يمكن الاستغناء عليها بصح تزكيلكم الكريمة)
2 مغارف شكولاطة للطلي(ماكسون ولا نوتيلا)
التزين丹
شيكولاطة بيضا
زوج مغارف زيت
الطريقة
نخفق الزبدة مع السكر مليح مليح ونكمل الخلط و نزيدو البيض و نخفق و نزيدو الزيت ونبداو نزيدو الخميرة و نكمل الخفق ونظيف الفرينة تدريجيا حتى تولي عدنا عجينة طرية و متماسكة و نبداو في العمل نفرشو كيس بلاستيكي باه تجيكم الخدمة ساهلة و نحلو العجينة تاعنا متوسطة و نطبعوه بالطابع على شكل دائري ولا الشكل لي تحبو و ندخلوه يطيب على درجة حرارة 180
نلصقو حبة ب حبة كريمة الزبدة وندخلوها للثلاجة (15دقيقة باه تحكم روحها)
بالنسبة لكريمة الزبدة نخفق الزبدة مع السكر جيدا و نظيف كريم شونتي ونكمل الخفق و زوج مغارف شكولاطة للطلي حتى تولي عدنا كريمة وحجمها يضاعف (تجي بنينة و زاكية)ندخلها للثلاجة ربع ساعة حتى نص ساعة مانبعد نبدى نخدم بيها و نلصق حبة فوق حبة
و روحو نقلاصيو الحبات بالشكيولاطة
على حمام مائي نحط 250غ شيكولاطة بيضاء تذوب و نزيدلها مغرفين زيت و نقلاصي الحبات و نحطو القليل من الورد الأحمر و نخلوهم يبردو تماما مانبعد نديرو كوكاو محمص و مرحي على الحواشي و خطوط بالشكولاطة السوداء من الفوق
