سيجار مقرمش

سيجار مقرمش بحشوة الخضار

العجين :4كؤوس دقيق ابيض(400غ)،بيضة، 2ملاعق زيت ،ملعقة خل ،ملعقة صغيرة خميرة الحلويات، ملعقة صغيرة ملح نعجنو بماء دافي يكون العجين متماسك نوضعوه فبلاستيك غذائي يطلق نصف ساعة من بعد نشكلو منو كويرات صغار فحجم حبة المشمش

ندهنوهم بالزيت ونغطيوهم بالبلاستيك يطلقو مرة اخرى

الحشو:بصل وفلفل الوان مقطع رقيق ،بوارو مفروم،جزر وقرع اخضر محكوكين نشوحوهوم فشوية زيت مائدة حتى تذبل الخضار ونضيفو هريسة حارة ،قزبر وبقدونس مفروم ،زيتون مقطع ،ملح وفلفل اسود فلفل احمر كمون زنجبيل كركم ونخلطو فوق النار

ونضيفو شعرية صينية لي سبق لينا رطبناها فماء ساخن وملح وصفيناها وقطعناها

نطلقو كرة العجين بالزيت رقيقة ونرشو بزبدة ذايبة وشوية دقيق ابيض، نوضعو كمية من الحشو ونشكلوه سيجار ،ندهنو بالبيض مع قطرات من الخل ندخلوه للفرن على 200درجة حتى يتحمر