الرئيسية / طبخ / إكلير بالشوكولا

إكلير بالشوكولا



الوصفة :
نصف كاس حليب
نصف كاس ماء
نصف كاس زبدة ماشي ذايبة
قرصة ملح
ملعقة اكل سكر
ملعقة فانيليا
كاس فارينة
ثلاث حبات بيض كبار او ربعة متوسطين


الكريمة :
نصف لتر حليب
زوج حبات بيض
ثلاث ملاعق اكل سكر
ثلاث ملاعق اكل مايزينة
فانيليا
ملعقة اكل زبدة
علبة شوكولا
التزيين غاناش الشوكولا :  ١٠٠ غ كريمة سائلة  نحطها تغلي فوق النار ونضيفلها علبة شوكولا وزن مية غرام


طريقة التحضير :
في كاسرونة نحط نص كاس حليب ونص كاس ماء وقرصة ملح و ملعقة اكل سكر ونحطها فوق النار كي تغلي نحط نص كاس زبدة ونحرك كي  تذوب الزبدة نحط كاس فارينة دفعة واحدة ونبدا نحرك حتى تتشكل عجينة كتلة واحدة نخليها زوج او ثلاث دقايق فوق النار مع التحريك المستمر  ونحيها نحطها في اناء نضربها بالباتور باش تبرد شوية ونبدا في اضافة البيض الواحدة تلوى الاخري نحط البيضة الاولي ونصرب مليح حتى تدخل فالعجينة ونزيد الثانية والثالثة ونضرب حتى الحصول على عجينة ملساء القوام وماتتقطعش  ادا كان البيض كبير تلاتة يكفو والا اربعة نحطها في كيس حلواني ونشكل حبات اكلير فوق ورق الطهي وندخلها الفرن على مية وتمانين درجة لمدة نصف ساعة مانفتحش الفرن باش مايحبطوش ونشعل مالفوق يتحمرو ونحيهم نخليهم يبردو ونحشيهم بكريمة الباتيسيير ونزينهم بالشوكولا مالفوق

كريمة الباتيسيير بذوق الشوكولا :
نحط في كاسرونة زوج حبات بيض مع ثلاث ملاعق اكل سكر وثلاث ملاعق اكل مايزينة ملعقة فانيليا نخلط مليح ونضيفلها نصف لتر حليب ساخن ونرجع الخليط فوق النار حتى تعقد نحيها ونحطلها ملعقة اكل زبدة وعلبة شوكولا ونخلط حتى تذوب نغطيها بورق فيلم ونحطها تبرد فالثلاجة ونحشي بيها الاكلير

هاد الكمية تخرج حوالي 14حبة متوسطة الحجم”

اترك تعليقاً

لن يتم نشر عنوان بريدك الإلكتروني.