الرئيسية / طبخ / حلا العشرين ثانيه ✨ /

حلا العشرين ثانيه ✨ /

المقادير

نحتاج لبسكوت مالح (النوع المستخدم بسكوت ديمه)


كوب حليب محموس يعجن بنستله ويكور
طبقه بسكوت ثم كور الحليب محموس ثم بسكوت
ويغمس بشوكولاته بالحليب (يفضل خلط خام مع شوكولاته بالحليب


ويزين عند التقديم او قبل ماتجمد الشوكولاته عشان تمسك بالشوكولاته


*تقدرون تضيفون سميد محموس او بسكوت او قرفه
الاضافات مفتوحه
وبالعافيه ❤️

كرات التمر ✨ /

الحلا ممكن يكون صحي في استبدال بعض المكونات
المقادير/
بسكوت نخاله مجروش-جوزاء مجروش -كوب تمر خلاص منزوع النواء ومقطع صغار – مكسرات محمصه
م ص قرفه
تعجن بخليط من ( نص علبة نستله +٤ حبات جبن كيري + نص علبة قشطه )
تعجن المقادير ونكورها كور صغار
نغطي الكور بشوكولاته اما داكنه او بالحليب (مخلوطه مع شوكولاته خام )
ونغطي الكور باللوز او الجوز الهند او الزرشك
وبالعافيه❤️

حلقات اللوتس ✨ /

نحتاج/
١ ك بسكوت شاهي مطحون/نص ك لوتس مطحون
/نص ك دايجستف مطحون (مطحون خشن)
تعجن مع نص نستله وعلبة قشطه ونص كوب زبدة لوتس اذا كانت تحتاج نزيد نستله لحد ماتصير ملمومه على بعضها
بورق الزبده نشكلها مثل الاسطوانه الطويله ونغلفها بقصدير وبالثلاجه ساعتين
نقطعها حلقات ونغمس كل حلقه اما شوكولاته او زبدة اللوتس وتزين بالورد
وبالعافيه❤️

اترك تعليقاً

لن يتم نشر عنوان بريدك الإلكتروني.