الرئيسية / طبخ / بوريك بلحمة والجبن

بوريك بلحمة والجبن


مقادير العجينة :
كوب زيت
كوب ماء
ملعقة صغيرة ملح
دقيق حسب العجينة ..
وتكون العجينة مش رطبة ومش يابسة .. خليها اتريح شوية


2 ناخذ نص العجينة أو كلها ونفردها على سطح بدون ماتدهنيه بزيت أو ترشيه بدقيق
3 وترشي على العجينة المفرودة نشا كيف مافي الصورة
4 لفي العجينة من بدايتها للنهاية على شكل رولي
5 قطعي الرول إلى اجزاء متساوية
6 حطي القطع في صونية وصبي عليها زيت حوالي كباية وخليها اتريح فيه حوالي ربع ساعة على ماجهزتي الحشوة سواء كان مفروم أو جبنة حسب رغبتك


يعني ناخد كوب زيت ونصبه في صونية ونحط فيها العجينة الي قصيتها ترتاح في الزيت وبعدها نصفي الزيت وناخد بالقطعة
7 خوذي وحدة من القطع بعد تريحت وافرديها بالضرابة وحطي في بدايتها ملعقة من الحشوة ( هنا درته بالمفروم )


8 بدي سكري بطريقة المثلث بالتريتيب ولو حسيتي في زوائد تقدري اتقصيها بالموس
9 هذي صورة أول طرف .. شوفي كيف منظم وناعم
10 نضعه في طاجين .ويوضع بالفرن حتى بنضج ويتحمر او. تقدري اتطيبيه دغري أو تحتفظي بيه ني في الفريز لعند امتا ماتبيه .. والميزة إنك بعد اتطيبيه يكون كإنك درتيه في نفس الوقت أهم شي ماتحطيش فوق بعضه في الفريز .. والأهم إنك تطلعيه بدري من الفريز عشان ايفك من التلج براحته ويطب كويس
11 هنا بعد طيبته .. هش وخفيف زي الريشة وهواااااء من جوصحتين
الحشوات
حشوة اللحم


لحم مفروم نطلعه ع طاوة ونتركه لين يجف ملئه
ثم نضع ملعقة كبيرة سمن وبصلة مبشورة او مقطرضة رقيق هلبا
وفلفل اسود وشوية ملح ولين يذبل البصل
او حشو سبانح او سلك
يغسل ويقرض صغير جداا ويذبل مع سمن ملعقة وشوية فلفل اسود
وشوية ملح وبصلة مبشورة وسن ثومة وبعد مايطيب ويجف مائه وينشال من فوق النار يوضع جلنة
حشوه بطاطا
بطاطا مهروسه ومعها فلفل وتوم مدقوق وكسبراو شبت
وشوية ملح وبيضة نية
ويحشي ويدهن بالحليب ويرش بسمسم او كمون اسعد

اترك تعليقاً

لن يتم نشر عنوان بريدك الإلكتروني.