أخبار الوطن
تارتولات بالفواكه بكريمة باتسيار خفيفة وروعة
Tartelettes aux fruits 🍌 🍓 🍎
المقادير
عجينة الصابلي لي راح نخدمو بها ليتارتولات
250 غ فرينة منخوله
125 غ زبدة أو مارغرين طريه بحرارة الغرفة
بيضة متوسطه الحجم
2 ملاعق ك سكر قلاصي
قرصه ملح
م ص فانيليا
م ك من الزيت
على رأس م ص خميرة كيميائية
طريقة التحضير
في وعاء ندير الفرينة الملح سكر قلاصي الفانيليا الخميرة
ونخلط جميع المكونات مع بعض ثم نضيف الزبدة والزيت ونبدا نبسس فيها وندخل هاذيك الزبدة في الفرينه مليح ثم نضيف البيضة ونلمو مانعجنوش ونخلوها ترتاح عالاقل 2 سا ومبعد ماترتاح نجيبو ليمول وندهنوهم بالزبده ونرشوهم بالفرينه ونشكل ليتارتولات نتاعي ونثقبهم بالفرشاه ونزيد ندخلهم للثلاجه مرة 2 ونخليهم عالاقل ساعه يحكمو الفورم نتاعهم ومبعد ندخلهم للفرن على 180 درجة ونخرجهم ونخليهم يبردو مليح ومبعد نعمرهم بالكريمة ونزينهم والتزيين يبقى اختياري
للكريمه نحتاج
500 ملل من الحليب
2 بيضات
5 م ك من السكر
3 م ك من المايزينه
طريقه التحضير نجيب كسرونه ندير فيها لحليب
يسخن مليح ومن جهة اخرى نضرب البيض مع السكر والمايزينه بالفوي ثم نضيف عليهم القليل من الحليب السخون ونخلط بسرعة ومبعد نرجع الخليط كامل على نار ونخلط بالفوي باستمرار. حتى تعقد نحيها من النار ونضيف م ك من الزبدة ونبقى نخلط حتى تولي كريمه ليس ونخليها تبرد في الثلاجة بعد ماتبرد مليح نخرجها ونزيدلها 3 م ك من الشونتي بعد مانكون خفقتها ونضرب بالباتور حتى تنسجم المكونات مع بعض ويولي قوام كريمي ورطب ونعمر به ليتارتولات .
طريقة تحضير الناباج في المنزل
في كسرونه ندير كأس سكر مع كأس ماء ونخلط ونديرهم فوق نار وين يغلو نضيف عليهم خليط مكون من م ص من النشاء محلوله مع القليل من الماء وين يغلي الخليط مره 2 نطفي ونخليه يبرد ونطلي به الفواكه لي زينت بها ليتارتولات باش يبقو ملاح ومايسوادش اللون نتاعهم .
