الرئيسية / طبخ / الوصفة الهمبرغر

الوصفة الهمبرغر

الوصفة الهمبرغر


3 كيسان و نص فرينة
نص كاس زيت
مغرفة كبيرة خميرة الخبز
مغرفة كبيرة سكر
مغرفة صغيرة ملح
ثلاث مغارف كبار حليب بودر(لي معندهاش تعوض الماء بالحليب برك)
ماء دافي للعجن


الطريقة❤


نحط الفرينة مغربلة مع الخميرة و السكر و الحليب بودرة ونزيدهم الملح و نلم العجينة بالماء الدافي نغطيها و نخليها تخمر (15دقيقة فقط)ومانبعد نزيدلها الزيت و نعجن حتى يدخل كامل الزيت في العجينة مانبعد نديرها كريات صغار و لا كبار كيما تحبو و نعدلوهم مليح و ندهنوهم بصفار بيضة فيها قطرات ماء و نديرو سينوج و لا جنجلانية و نحطوهم في بلاطو يريحو (10دقايق)فقططط و ندخلوهم يطيبوو يحكمولك (10دقايق طياب مايعطلوش)


الحشو 🍔🥙


خدمت كفتة دجاج (ربع صدر دجاج مع شوي دبشة مقطعة و شوي فلفل أسود ثوم ملح و مغرفة صغيرة زبدة طرية (توابل خاصة بالدجاج مش إجباري) عجنتهم و شكلتهم كريات و شويتهم في مقلة ماتلصقش) بعدما يبردو الخبزات تاوعنا نقسمهم على زوج و نحشيهم نحط مايوناز مانبعد طماطم مقطعة دائرة مانبعد سلاطة مانبعد كفتة دجاج و جبن و يبقى الحشوإختيااري


بالنسبة للخبز التورتيلا 🥙🥙
زوج كيسان فرينة مغربلة و نصف مغرفة صغيرة ملح و نصف مغرفة صغيرة خميرة كيميائية و لميتهم بماء دافي رايح للسخون و عجنتها مليح و غطيتها و خليتها تريح 10دقايق مانبعد فصصتها إلى كريات جاتني 8حبات خليتهم ريحو ربع ساعة و بديت نحل فيهم بواسطة حلالة رققتهم مليح و طيبتهم في مقلة متلصقش على نار هادية (غير نلوحها 10ثواني و نقلب لازم منخليهاش ديريلي الفقاعات )نقعد نقلب و ندور حتى طيب كل مانطيب وحدة نحطها داخل طرشونة و نغلق عليهم كي نكمل نحطهم داخل كيس بلاستيكي كانبعد نبدى نخرج بالوحدة ونجيب كاس ولا حاجة دائرية ونقط


بالنسبة للحشو🥙🍔 (دجاج قطعوه شوي طويل به مايطيحلكمش منها و زيدولو مغرفة مايوناز و لامغرفة خردل يجيكم طري يهببل و عصرة قارس و فلفل اسود ثوم ملح زوج مغارف زيت و هريسة شوي برك كرم وشوي فلفل أحمر (يعطولكم لون مليح) توابل خاصة بالدجاج (مش آجباري)خلطوهم مليح مليح و دخلوهم لثلاجة على الاقل ساعتين(انا درتهم في الليل باه يشربو مليح هذوك التوابل) مانبعد في مقلة ماديرولها والو غير تسخن حطوهم فيها يطيبو في عقلهم)كي يطيب خلوه يبرد في عقلو وجيبو دوائر تاع خبز تورتيلا لي قطعناهم ونحشيوهم ب واش نحبو درت فرماج طماطم قطعتها بالطول و دجاج لي طيبناه و سكرت ب هذاك المساك الصغير الخاص بالاكل

اترك تعليقاً

لن يتم نشر عنوان بريدك الإلكتروني.