أخبار الوطن
بسبوسة بالقشطة 😋
هالوصفة بتجنننن وطعم البسبوسة مع طبقة القشطة رهيييب بتمنى تعجبكم 🥰
المقادير :
كوب سميد
كوب زيت نباتي
كوب لبن
نص كوب سكر
معلقة صغيرة فانيلا
معلقة صغيرة بيكنج باودر
تلات بيضات
بخلط المكونات مع بعض وبقسمهم بالنص ، بأي صينية حجم وسط او بايركس حجم وسط مدهون طحينة او زيت ،بحط نص الخليط و بالفرن من تحت على حرارة ١٨٠ لحد ما اشوف الاطراف صارت تحمر 🔥
هلأ بحضر طبقة القشطة اللي بالنص : 🥛🍶
كوبين حليب سائل ، معلقتين كبار نشا ،معلقة كبيرة طحين ، علبة قشطة ١٧٠ غم ، نص معلقة صغيرة ماء الزهر
بخلطهم عالبارد (((ما عدا القشطة ))) وبضل احرك ليصير الخليط كثيف بضيف القشطة وبحرك شوي
وفورا بضيفها فوق الطبقة اللي عملتها بالفرن و بتركهم بحرارة الغرفة بس لتبرد شوي القشطة يا دوب ٥ دقايق (( لازم طبقة القشطة احطها سخنه فوق طبقة البسبوسة وهي سخنه عشان يمسكو ببعض وما تفصل لما اقطعها )))
هلأ بضيف النص التاني من خلطة البسبوسه فوق القشطة و برجع بحطهم بالفرن وبشغل الحرارة من فوق بس، (على اقل درجة حرارة ) وبتركها ليتحمر الوجه
بكون مجهزة قطر ولازم يكون بارد :
كوبين مي ، كوب سكر بخليهم يغلو عالنار ما بحركهم وبس يغلو بحط عصرة ليمونة حوالي نص معلقة صغيرة و ربع معلقة صغيرة ماء الزهر بتركهم ٥ دقايق ،، هلأ انا اخدت منهم كاسة الا ربع وحطيت على البسبوسة وهي سخنة والقطر بارد
ازا بتحبو حلاوة اكتر او اقل ضيفو القطر بالتدريج ودوقو الحلاوة لتوصلو لنتيجة انتو بتحبوها 🥰
طبعا بحطها بالتلاجة لازم تتقدم باردة 👌
